Kyuki Saas Bhi Kabhi Bahu Thi season 2 Today New Episode 15 January - Mihir aur Tulsi ek hi kamre mein… phir bhi dooriyan बरकरार 💔

 Kyuki Saas Bhi Kabhi Bahu Thi season 2 Today New Episode 15 January | Upcoming Twist | Tulsi Episode Update ✨

Mihir aur Tulsi ek hi kamre mein… phir bhi dooriyan बरकरार 💔

Jatin bhai ne karwa di entry, Noyna jal ke reh gayi 😠

Idhar ghar mein antakshari ki taiyaari, Dev ka dance drama aur Bapuji ka gussa 😲

Kya Mihir–Tulsi ki dooriyan ab khatam hongi? 🤔

So, Saas Bhi Kabhi Bahu Thi ke aaj ke episode mein humne dekha ki Mihir jab kamre ke bahar ghoom raha hota hai, uss time pe Jatin bhai aa jaate hain. Woh bolte hain ki Mihir bhai aap yahan pe kya kar rahe hain? Abhi tak aap soye nahi? Mihir bolta hai ki haan neend nahi aa rahi thi isliye thoda tahal raha tha. Noyna bhi wahan pe khadi rehti hai kyunki usse darr iss baat ka hai ki kahin Jatin, Mihir ko Tulsi ke kamre mein na bhej dein. Lekin Jatin bhai yahan pe bolte hain ki aapko neend nahi aa rahi thi, mujhe bhi neend nahi aa rahi thi. Issi liye main bhi aapke paas chala aaya. 

Toh chaliye kyun na hum dono so jaate hain kyunki jab tak aap nahi soyenge tab tak main bhi nahi soonga aur jab tak main nahi soonga ghar ke sare workers bhi nahi soyenge. Ab dekhte hain ki Jatin bhai, Mihir ko lekar Tulsi ke kamre ke paas pahunchte hain aur darwaza khatkhatate hain. Jab Tulsi darwaza kholti hai, toh Jatin bhai bolte hain ki aap andar so rahi hain, aapke pati bahar ghoom rahe hain. Iss tareeke se patiyon ko bahut time tak ke liye bahar nahi chhodna chahiye. Aap wait karti rahengi ki mere pati kahan hain aur yeh bahar aise hi akele tahalte rahenge. Issi liye achha yahi hoga ki yeh bhi sone chale jaayein. 

Jiske baad dekhte hain ki Mihir kamre ke andar jaata hai aur woh darwaza band karne lagta hai. Saamne Noyna khadi rehti hai joh ki dekh rahi hoti hai aur usse darr lagta hai ki Mihir kaise Tulsi ke saath mein kamra share kar sakta hai. Issi liye woh daud ke pahunchti hai Mihir aur Tulsi ke kamre ke paas aur jaake darwaza khatkhatane lagti hai. Tabhi wahan pe Jatin bhai aa jaate hain. Woh bolte hain ki aap kya kar rahi hain? Kya aapko bhi neend nahi aa rahi hai? Kya aap Mihir ki muh-boli behen hai kya? Yeh sun ke Noyna bolti hai ki nahi main Mihir ki... main behen nahi hoon. 

Noyna wahan se turant hi chali jaati hai. Idhar kamre mein jab Mihir pahunchta hai tab woh Tulsi ko batata hai ki sorry mujhe yahan pe aana pada. Main toh bahar hi sone wala tha lekin joh Jatin bhai the naa woh mujhe bina andar bheje maane hi nahi. Ab main unke saamne kya bolta issi liye kuch bina bole hi mujhe andar aana pada. Ab main yahan pe sooon toh kaise sooon? Yahan pe bed ek hi hai aur main chadar neeche nahi bichha sakta kyunki thandi bhi hai. Tulsi turant hi beech mein saare pillows rakhti hai aur woh bolti hai ki jab dil mein jagah nahi hota hai toh bed share karne se kuch nahi hota hai. 

Tum bhi issi bed pe so jao. Jiske baad dekhte hain ki Tulsi saara takiya uthaati hai aur beech mein rakh deti hai aur woh khud sone ki koshish karti hai aur thodi hi der baad dekhte hain ki woh apne baal ko khol deti hai. Mihir, Tulsi ke baalon ko pakadta hai aur usko baalon ko sehlana shuru karta hai aur apne purane beete hue dinon ko yaad karta hai ki Tulsi woh uske saath mein kaise raha karti thi. Doosri or dekhte hain ki Noyna iss baat se kaafi pareshan hai ki Tulsi aur Mihir dono ek hi kamre mein hain. Sochu bolti hai ki didi 6 saal mein aisa kabhi nahi hua ki Mihir tere saath mein kamra share kiya ho aur aaj 6 saal baad Tulsi pehli baar mili hai uske saath mein kamra share kar raha hai. 

Noyna yeh sab kuch dekh ke kaafi jali aur kaafi chidhi hui rehti hai. Doosri or dekhte hain ki ghar ki saari ladkiyan dance practice karti hain kyunki aaj raat antakshari khelna hai. Yahan pe hum dekhte hain ki Dev aa jaata hai joh ki chhup-chhup ke saari ladkiyon ko dekhta hai. Tabhi wahan pe Parth aa jaata hai. Parth bolta hai ki Dev yeh tum kya kar rahe ho? Iss tareeke se chhup ke ladkiyon ko dekhna achhi baat nahi hai. Agar ghar mein koi dekh lega toh bahut bada bawal ho jaayega. Dev bolta hai ki arre koi baat nahi hai, chalo hum log saamne chalte hain. 

Ladkiyan yahan pe Dev aur Parth ko dekh leti hain aur bolti hain ki wahan pe kaun khada hai? Dev turant hi saamne aa jaata hai. Woh bolta hai ki hum log hain. Tum log yahan pe kya kar rahe ho? Ladkiyan batati hain ki aaj raat antakshari hone wala hai, issi liye hum log practice kar rahe hain. Dev bolta hai ki tum log bahut achha dance kar rahe ho. Ladkiyan bolti hai sach mein hum log achha dance kar rahe hain? Theek hai hum log ek baar phir se dance karte hain, aap dekh ke batana ki kaisa tha. Ab yahan pe ladkiyan dance karna shuru karti hai. Saath mein Dev bhi dance karne lagta hai. Dev apna jacket nikaal ke neeche rakhta hai, issi liye ek ladki ka pair fansta hai aur woh wahin pe gir jaati hai. 

Dev turant hi uske paas pahunchta hai aur bolta hai ki arre kya hua? 

yeh toh gir gayi aur usse uthaane aur baithaane ki koshish karta hai. Tabhi wahan pe Bapuji aate hain, joh ki ek drac laga ke Dev ko dekhne lagte hain. Unko yeh sab kuch dekh ke bilkul bhi achha nahi lagta hai ki unke ghar ki ladki ke saath mein koi ladka iss tareeke se vyavhaar kar raha hai. Tabhi dekhte hain ki Parth, Dev ko pakad ke leke jaane lagta hai. Woh bolta hai, "Kya tune kya bola ki aaj raat tu inn log ke saath mein antakshari mein aane wala hai?" Dev bolta hai ki haan aate hain na, kyun nahi aayenge? bahut maza aane wala hai. 

Tabhi yeh dekhte hain ki Dev ek baar phir se ladki ke paas pahunchta hai aur woh bolta hai ki aaj raat hum aapke saath mein aayenge aur woh ek planning karta hai kyunki yahan pe ladki ke pair mein chot laga hai. Woh bolti hai ki woh dance nahi kar sakti. Lekin Dev bolta hai ki mere paas ek idea hai, main tumhe batata hoon. Idhar doosri aur dekhte hain ki Tulsi aur Mihir ek doosre ke paas hote hue bhi kaafi door hain. Dosto, aapko kya lagta hai? kya inki dooriyan khatam honi chahiye? Hume comment box mein zaroor likhna.